Notkunarskilmálar Safnatorgs

Síðast uppfært: 21. september 2026

Þjónustan

Safnatorg er vettvangur fyrir safnara íslenskra frímerkja: skráning eigin safns, óskalistar og uppboð milli notenda. Þjónustan er í prófunarfasa og getur breyst, legið niðri eða gögnum verið breytt án fyrirvara á meðan.

Aðgangur

Þú berð ábyrgð á eigin aðgangi og því sem gert er í þínu nafni. Óheimilt er að villa á sér heimildir, trufla rekstur síðunnar eða misnota uppboðin (t.d. með málamyndaboðum). Brot geta varðað lokun aðgangs.

Uppboð og viðskipti

Uppboð fara fram milli notenda. Boð er skuldbindandi. Safnatorg er hvorki seljandi né ábyrgðaraðili hlutanna — seljandi ber ábyrgð á að lýsing og myndir séu réttar og að hlutur sé afhentur, kaupandi á að greiða umsamið verð. Greiðslur og afhending fara fram beint milli aðila. Söluþóknun, sé hún tekin, kemur fram áður en uppboð er stofnað.

Efni frá notendum

Myndir og texti sem þú setur inn eru áfram þín eign, en þú veitir Safnatorgi heimild til að birta efnið á síðunni. Þú ábyrgist að hafa rétt til birtingar og að nota eigin myndir af hlutum í sölu.

Ábyrgðartakmörkun

Þjónustan er veitt eins og hún er. Skráargögn byggja m.a. á Frímerkjalista Íslandspósts og markaðsupplýsingar koma frá ytri síðum — hvort tveggja getur innihaldið villur. Safnatorg ber ekki ábyrgð á tjóni sem rekja má til notkunar þjónustunnar eða viðskipta milli notenda.